Aktuario Prestakuntza Iraunkorra
Bai merkatu aseguratzaile europar bakarrean integratzea, baita arrisku eta araudi berriei aurre egiteko konponbide-eskaera etengabea ere, aktuarioa informatuta eta prestatuta egotera behartzen dute. Honi Etengabeko Prestakuntza deritzo, eta inguruko aldaketa berriei aurre egiteko aktuarioaren gaitasuna eta profesionaltasuna jasotzen ditu.
Merkatuen eskaerei erantzuteko, Euskal Herriko Aktuarioen Elkargoak, bere Eginkizunari jarraiki, aktuarioari aurrera egitea, ezaguerak zabaltzea eta Euskal Autonomia Erkidegoan aktuario lanbidea hobetzea ahalbidetuko dioten ikastaroak, jardunaldiak eta mintegiak antolatzen ditu. Horrela, jarduera aktuarialerako beharrezko trebetasun profesionalen garapenari euskarria ematen zaio.
Prestakuntza eta Ikerketari dagokienez, Elkargoaren helburuak dira:
- Aktuarioentzako prestakuntza-planen diseinuan laguntzea eta ekarpenak egitea; plan hauek gizarte-beharrizanei, merkatuen eskaerari eta nazioarteko betekizunei egokituak izango dira.
- Arlo finantzario aktuarialean, ikerketa eta lan berritzaileen garapena sustatzea, baita hedatzea ere.
- Biltzarrak, Jardunaldiak, Mintegiak, Lan-bilerak eta bestelako jarduerak sustatzea, prestakuntza eta ikerketa testuinguruan, elkargokideen eta oro har gizartearen ezagueren trukaketa eta hobetzea ahalbidetu dezaten.
- Elkargokideak euren interesekoak diren jarduerei buruz jakitun izatea.
- Oro har gizarteari, ezaguera erabilgarriak eskuratzea erraztea, erakunde finantzario aktuarialek eskaintzen dituzten zerbitzuak hobeto uler ditzaten.
